VIDEO: Aneh, Polisi Dengan Tubuh Paling Tinggi di Dunia

Ane baru liat dah ade polisi setinggi Rajesh Kumar, biasanye kan ye orang2 nyang tinggi ntu atlit basket gitu ye heheh tapi ternyate ade juga orang nyang punye tinggi 2.2 meter ntu jadi polisi, tapinye bukan polisi sini juga, adenye di india gitu. Tadi aje ane liat videonye gitu ntu polisi Rajesh Kumar ternyate kerjanye di kesatuan polisi Kota Haryana di India tugasnye sebagai pengatur lalu lintas.


Ane sih kaga ngerti juga ame omongan dia, cuman ade aje temen ane nyang ngasih tau soal ntu polisi hehe terusnye temen ane juga bilang kalo Rajesh Kumar ntu jadi polisi cuman buat selingan doang, aslinye die ntu seorang pegulat, seet dah ternyate ntu polisi pegulat juga ye, begimana mau ngelawan orang nyang tinggi kaye Rajesh Kumar gitu ye? Hehe kalo ane ketemu ame Rajesh Kumar sih pastinye juga langsung lari dah, takut ditilang ame takut diajakin gulat gitu dah hehe. Tapi banyak juga sih ane liat di videonye orang nyang pengen foto bareng gitu ma die, ntu artinye Rajesh Kumar orangnye bae ye mau diajakin foto kaye gitu hehe

http://www.youtube.com/watch?&v=hXoCqjp4GYQ&x